శ్రి గణేశ పంచరత్నములు
(శ్రీశంకర భగవత్పాద విరచితం)

ముదా కరాత్తమోదకం సదా విముక్తి సాధకం
సలాధరా వతంసకం విలాసిలోకరక్షకం
అనాయకైకనాయకం వినాశితేభదైత్యకంనతా
శుభా శునాశకం నమామి తం వినాయకం ||

నతేతరా తిభీకరం నవోదితార్కభాస్వరం |
నమత్సురారినిర్జరం నతాధికా పదుద్దరం |
సురేశ్వరం నిదీశ్వరం గజేశ్వరం |
మహేశ్వరం తమాశ్రయే పరాత్పరం నిరన్తరమ్ ||

సమస్తలోక శంకరం నిరస్తదైత్యకున్జరం
దరేతరోదరం వరం వరేభవక్త్ర మక్షరం |
కృపాకరం క్షమాకరం ముదాకరం యశస్కరం
మనస్కరం నమస్కృతాం నమస్కరోమి భాస్వరమ్ ||

అకించనా ర్తిమార్జనం చిరంతనోక్తిభాజనం
పురారిపూర్వనందనం సురారిగర్వచర్వణం |
ప్రపంచ నాశభీషణం ధనన్జయాధిభూషణం
కపోలదానవారణం భజే పురాణవారణం ||

నితాంతకాంత దంతకాంతి మంతకాంతకాత్మజం |
అచింత్యరూప మంతహీన మంతరాయకృంతనం |
హృదంతరే నిరంతరం వసంతమేవ యోగినాం
మేకదంత మేవ తం విచింతయామి నంతతమ్ ||

మహాగణేశ పంచరత్న మాదరేణ యోన్వహం
ప్రజల్పతి ప్రభాతకే  హృది స్మరన్ గణేశ్వరం
అరోగతా మదోషతాం సుసాహితీం సుపుత్రతాం
సమాహితాయు రష్టభూతి మభ్యుపైతి సోచిరాత్ ||